Bu gün – 23 noyabr, Azərbaycanın görkəmli dövlət xadimi, tanınmış geoloq və enerji siyasətinin memarlarından biri olan Natiq Ağaəmi oğlu Əliyevin doğum günüdür.
"Tehsil365" xəbər verir ki,
O, 1947-ci ildə Bakıda anadan olmuşdur.
Natiq Əliyev uzun illər ərzində Azərbaycanın neft və enerji strategiyasının formalaşmasında mühüm rol oynamışdır. 1993–2005-ci illərdə Azərbaycan Respublikası Dövlət Neft Şirkətinin (ARDNŞ) prezidenti kimi o, ölkənin neft sektorunun beynəlxalq səviyyədə tanıdılmasına və "Əsrin müqaviləsi" də daxil olmaqla mühüm enerji layihələrinin həyata keçirilməsinə rəhbərlik etmişdir.
2005-ci ildən etibarən Sənaye və Energetika naziri, 2013-cü ildən isə Energetika naziri kimi fəaliyyət göstərən Natiq Əliyev Azərbaycanın enerji təhlükəsizliyinin təminində, regional və beynəlxalq enerji əməkdaşlığının genişlənməsində əvəzsiz xidmətlər göstərmişdir.
2017-ci ildə vəfat edən Natiq Əliyev, peşəkarlığı, uzaqgörənliyi və prinsipial mövqeyi ilə Azərbaycanın müasir enerji tarixində önəmli bir sima olaraq yadda qalmışdır. Onun doğum günü, həm də onun xidmətlərinin yad edildiyi, minnətdarlıqla anıldığı bir gündür.