“Uşağın bağça yaşlarından baxdığı, başqa dillərdə olan cizgi filmlər uşaqlara mənfi təsir edə bilər. Belə deyək, tədqiqatlarda hətta bir neçə dildə evdə bir neçə dildə danışmağın uşağın nitqini ləngitdiyi ortaya çıxardır. Uşaq, deyək ki, Azərbaycan dilində uşaqdırsa, o rus, ingilis və ya türk dilində hər hansı bir cizgi filmə baxırsa, sözsüz ki, onun nitqində ləngimələr ola bilər”.
“Tehsil365” a açıqlamasında bu sözləri psixoloq Quliyeva Nuriyyə bildirib.
Onun sözlərinə görə, “bu hər bir uşağa aid deyil, amma bəzi uşaqlarda, əgər uşağın özündə də müəyyən bir zəiflik varsa, inkişafında müəyyən bir zəiflik varsa, uşağın nitqini ləngidə bilər. Çünki uşaq hər hansı bir sözü beyində təhlil etməlidir. Sual verildikdə, deyək ki, "bu nə rəngdir" sualı ünvanlanır uşağa. Əgər o rəngi Azərbaycanlıca "qırmızı", cizgi filmlərində, deyək ki, "krasnıy" adlandırıblarsa, uşaq onu təhlil edib anında cavab verə bilmir və bir növ sanki bir növ "torrnuzlanmış" olur”.
“Deməli, belə ümumi şəkildə desək, əgər uşağın özündə, inkişafında müəyyən zəifliklər varsa, və ya genetik yatqınlığı varsa, meyillilik varsa, başqa dildə olan cizgi filmlər uşaqda bir növ qarışıqlıq yaradır və nitqini nitqini gecikməsinə səbəb ola bilər. Və mən hətta deyərdim ki, son dövrlərdə nitq gecikmələrinin, inkişaf gecikmələrinin artmaq səbəblərindən biri də budur”.
“Bir daha vurğulayıram, əlbəttə ki, hər uşağa bunu aid etmək olmaz. Yəni elə ailə var ki, elə uşaq doğulandan iki dilli, üç dilli danışığa malikdirlər və uşaq da hər iki dili də, üç dili də tam şəkildə qavraya bilir. Amma biz tərəfdarıyıq ki, ilk üç il doğma dilində, ana dilində danışılsın evdə. Uşaq bunu eşitsin. Özünü ifadə etmə başlayandan sonra əlavə digər dilləri öyrətmək mümkündür. Onsuz da xarici dili öyrənməyə uşaqlar erkən yaşlarda meyilli olurlar. Amma bunun üçün ən ideal yaş adətən biz 3-10 yaş götürürük”.
“Bir daha vurğulayıram, əgər uşaq artıq öz dilində fikrini ifadə edir, anlayır, təhlil edə bilirsə və tam şəkildə ifadə edə bilirsə, qavrayıb ifadə edə bilirsə, digər bir dili yalnız o zaman daxil etmək mümkündür, doğru olar”.