Bu gün, 23 noyabr, dahi Azərbaycan bəstəkarı, musiqişünas, dramaturq və ictimai xadim Üzeyir bəy Əbdülhüseyn bəy oğlu Hacıbəylinin vəfatının ildönümüdür.
"Tehsil365" xəbər verir ki,
O, 1948-ci ilin bu günü – Bakıda dünyasını dəyişib.
Üzeyir Hacıbəyli 1885-ci il sentyabrın 18-də Şuşa qəzasının Ağcabədi kəndində anadan olmuşdur. Azərbaycan milli musiqisinin banisi olan Hacıbəyli Şərqdə ilk operanın – “Leyli və Məcnun”un müəllifi, Azərbaycan peşəkar musiqi sənətinin qurucusu kimi tarixə düşüb. O, həm də “Koroğlu” operası, “Ər və arvad”, “Arşın mal alan”, “O olmasın, bu olsun” kimi musiqili komediyaları ilə milli səhnə sənətinin inkişafında müstəsna rol oynayıb.
Musiqidən əlavə, Üzeyir bəy pedaqoq, publisist və ictimai xadim kimi də fəaliyyət göstərib. O, ilk musiqi məktəblərinin və musiqi təhsili sisteminin əsasını qoymuş, musiqi nəzəriyyəsi və folkloru sahəsində mühüm tədqiqatlar aparmışdır.
1938-ci ildə ona SSRİ xalq artisti fəxri adı verilmiş, iki dəfə Stalin mükafatına (1941, 1946) və Lenin ordeninə layiq görülmüşdür.
Üzeyir Hacıbəyli təkcə musiqi tarixinə deyil, bütövlükdə Azərbaycanın mədəniyyətinə əbədi iz buraxmış şəxsiyyətlərdəndir. Onun zəngin irsi bu gün də yaşayır və yeni nəsillər tərəfindən öyrənilir.
Allah rəhmət eləsin.