Meyvələr arasında ən çox istehlak edilən məhsullardan biri olan banan bəzən “ən faydalı meyvə”, bəzən isə “şəkəri yüksək qida” kimi qiymətləndirilir.
Mövzunun ətrafında yaranan sualları nəzərə alaraq, "Tehsil365" bananın orqanizmə təsirlərini araşdırıb.
Bananın faydaları:
Banan kaliumla zəngindir və ürək-damar sistemini gücləndirir. Tez enerji verdiyi üçün idman edənlər üçün ideal hesab olunur. Lif tərkibi isə həzmi yaxşılaşdırır və qəbizliyin qarşısını alır.
Ziyan verə bilən tərəfləri:
Şəkər miqdarı yüksək olduğuna görə diabeti və artıq çəkisi olanlar üçün risk yarada bilər. Böyrək funksiyası zəif olan şəxslərdə kaliumun artması təhlükəli ola bilər. Çox yetişmiş banan qan şəkərini sürətlə yüksəldir.
Nəticə olaraq, bananın faydası çox olsa da, hər kəs üçün eyni dərəcədə uyğun deyil. Sağlam insanlar üçün gündə 1 banan ideal sayılır.