Səhər dünyanın hər yerində xoruzlar banlayır. Bunun niyə baş verdiyini heç düşünmüsünüz?
“Tehsil365” ın xarici mediaya istinadən məlumatına görə, alimlər artıq bir neçə araşdırma aparıb və dəqiq səbəbi müəyyən ediblər.
Xoruzlar səhər niyə banlayır?
Şübh tezdən əvvəl banlamaq sosial iyerarxiya və dominantlıq ilə sıx bağlıdır.
Yaponiyanın milli fundamental biologiya institutunun 2015-ci ildə apardığı araşdırma nəticəsində məlum olub ki, ən yüksək rütbəli xoruz günün əvvəlində ilk banlamağa üstünlük verir.
Müəyyən edilib ki, toyuqlar təəccüblü dərəcədə sərt iyerarxiyaya malik sosial heyvanlardır. Hində kimin lider olduğunu göstərən bu səhər fəryadıdır. Rütbəni saxlamaq harmoniya üçün lazımdır.
Tədqiqatçılar dörd erkək qrupu diqqətlə müşahidə ediblər və hər səhər banlamaq qaydasında sistematik bir nümunə görüblər: ən yüksək səviyyəli xoruz həmişə birinci, ikinci, üçüncü və dördüncü dərəcəli xoruzlar ardınca banlayır.
1995-ci ildə ABŞ-da tədqiqatçıların açıqladığı başqa bir araşdırmada da oxşar nəticələrə gəlinib. Sonra alimlər müəyyən ediblər ki, "xoruz banlaması potensial olaraq status siqnalı kimi fəaliyyət göstərə bilər".
Yeri gəlmişkən, banlamağın günəşlə heç bir əlaqəsi yoxdur. Xoruzlar xarici faktorlara deyil, daxili sirkadiyalı ritmlərinə görə banlayırlar. Buna görə qaranlıqda da banlayırlar.