1988-ci ilin bu günü — 24 noyabr tarixində, Sovet İttifaqı rəhbərliyinin qərarı ilə Azərbaycan SSR-in Bakı, Sumqayıt və Gəncə şəhərlərində komendant saatı elan edildi.
"Tehsil365" xəbər verir ki, Bu addım həmin dövrdə ölkədə və xüsusilə Qarabağla bağlı yaranan siyasi gərginlik, milli azadlıq hərəkatının güclənməsi və əhalinin etiraz aksiyalarının artması fonunda atılmışdı. Komendant saatı şəhərlərdəki hərəkət azadlığını məhdudlaşdırmaq, mitinq və yürüşlərin qarşısını almaq məqsədi daşıyırdı.
SSRİ rəhbərliyinin bu qərarı Azərbaycanda ictimai narazılığı daha da artırdı və hərəkatın genişlənməsinə səbəb oldu. 1988-ci il hadisələri Azərbaycanın müstəqillik yolunda dönüş nöqtələrindən biri hesab olunur.