Qarabağ Universitetinin rektoru Şahin Bayramov Humanitar və sosial elmlər fakültəsinin inzibati və akademik heyəti ilə görüş keçirib.
“Tehsil365” xəbər verir ki, Şahin Bayramov ilk tədris ilində əldə olunan nailiyyətlərə görə fakültə heyətinə təşəkkür edib və universitetin strateji hədəflərinə daha dinamik şəkildə çatılması üçün həyata keçirilməli olan fəaliyyətlərlə bağlı tapşırıq və tövsiyələr verib.
Görüş zamanı müvafiq ixtisaslar üzrə yeni məzmunlu ali təhsil modelinin formalaşdırılması, yüksək bal toplayan abituriyentlərin fakültəyə cəlb edilməsi, akademik heyətin nəticəyönümlü tədqiqat fəaliyyətinin gücləndirilməsi, tələbələrin milli-mənəvi dəyərlərə bağlı və peşəkar mütəxəssislər kimi yetişdirilməsi kimi məsələlər geniş müzakirə edilib.
Görüş qarşılıqlı fikir mübadiləsi və təkliflərin dinlənilməsi ilə davam edib.
