Bugün – 25 noyabr, Azərbaycan ədəbiyyatının görkəmli nümayəndələrindən biri, dramaturq və kinossenarist İmran Haşım oğlu Qasımovun doğum günüdür. O, 1918-ci ildə Bakı şəhərində dünyaya gəlmişdir.
"Tehsil365" xəbər verir ki,İmran Qasımov ədəbi fəaliyyətə gənc yaşlarından başlayıb və 1939-cu ildən Azərbaycan Yazıçılar İttifaqının üzvü olub. O, həmçinin 1967–1981-ci illərdə Azərbaycan Yazıçılar İttifaqının katibi vəzifəsində çalışaraq ölkədə ədəbiyyatın inkişafında mühüm rol oynayıb.
Onun yaradıcılığı daha çox dramaturgiya və kino sahəsindəki uğurları ilə yadda qalıb. Yazıçının əsərləri dərin psixoloji təsvirləri və milli dəyərlərə bağlılığı ilə seçilib. İmran Qasımov 1979-cu ildə “Azərbaycan SSR xalq yazıçısı” fəxri adına, 1980-ci ildə Azərbaycan SSR Dövlət Mükafatına, 1978-ci ildə isə “Lenin” ordeninə layiq görülmüşdür.
O, həmçinin bir çox məşhur filmlərin ssenari müəllifi kimi Azərbaycan kinosuna da böyük töhfələr verib.
İmran Qasımov 1981-ci il aprelin 20-də Bakı şəhərində vəfat edib. Onun zəngin irsi bu gün də ədəbi və kino mühitində yaşamaqda davam edir. Doğum günü münasibətilə görkəmli sənətkar ehtiramla yad edilir.