Bu gün, 25 noyabr, Milli Məclisin deputatı, Əmək və sosial siyasət komitəsinin sədri, tanınmış ictimai xadim Musa İsa oğlu Quliyevin doğum günüdür.
"Tehsil365" xəbər verir ki, O, 1961-ci ilin bu günündə Zəngəzur mahalının Sisian rayonunun Urud kəndində anadan olub.
Musa Quliyev peşəkar fəaliyyətinə həkim kimi başlayıb və tibb üzrə fəlsəfə doktorudur. Elmi və praktiki təcrübəsini ictimai-siyasi sahədə uğurla davam etdirən Musa Quliyev uzun illərdir ki, Yeni Azərbaycan Partiyasının İdarə Heyətinin üzvü kimi də fəaliyyət göstərir.
O, Azərbaycan Respublikası Milli Məclisinin deputatı kimi xüsusilə sosial siyasət, əmək münasibətləri və əhalinin rifahı sahəsində mühüm qanunvericilik təşəbbüsləri ilə tanınır. Eyni zamanda şair və publisist kimi də ictimai fikirə töhfə verib, bir sıra publisistik və ədəbi yazıları oxucuların rəğbətini qazanıb.
Doğum günü münasibətilə Musa Quliyevi təbrik edir, ona fəaliyyətində uğurlar arzulayırıq.