1667-ci il noyabrın 25-də Azərbaycan tarixinə ən dəhşətli təbii fəlakətlərdən biri kimi düşən Şamaxı zəlzələsi baş verib.
"Tehsil365" xəbər verir ki, Güclü yeraltı təkanlar nəticəsində şəhər demək olar ki, tamamilə dağılıb. Tarixi mənbələrə görə, bu zəlzələ nəticəsində təxminən 80.000 nəfər həyatını itirib.
Zəlzələ təkcə Şamaxını deyil, ətraf kənd və qəsəbələri də viran qoyub. O dövrdə Azərbaycanın əsas şəhərlərindən olan Şamaxı iqtisadi, mədəni və sosial baxımdan böyük zərbə alıb.
Bu fəlakət, Azərbaycan tarixində həm insan itkisi, həm də şəhərin dağılması baxımından iz buraxmış hadisələrdən biri kimi xatırlanır. Tarixçilər bu zəlzələni Qafqaz regionunun seysmik aktivliyinin bariz sübutu kimi dəyərləndirirlər.