1983-cü il noyabrın 25-də Azərbaycanın Ağdam şəhərində ölkədə və keçmiş SSRİ məkanında nadir nümunələrdən biri olan Çörək Muzeyi fəaliyyətə başlayıb.
"Tehsil365" xəbər verir ki,
Muzeyin yaradılması təşəbbüsü tanınmış jurnalist və yazıçı Nisə Qasımovaya məxsusdur.
Muzeydə çörəyin tarix boyu keçdiyi inkişaf yolu, çörəkçilik ənənələri, müxtəlif bölgələrə məxsus un məmulatları, qədim dəyirmanlar, əmək alətləri və sənətkarlıq nümunələri nümayiş olunurdu. Ekspozisiyalar arasında çörəyin qədim dövrlərdən bəri məişətdəki yeri və əhəmiyyətini əks etdirən sənədlər, şəkillər, maketlər və nümunələr yer alırdı.
Lakin 1992-ci ildə Ermənistanın işğalı nəticəsində Ağdamla birlikdə muzey də dağıdılıb və fəaliyyətini dayandırıb. Çörək Muzeyi bu gün həm mədəni irsin, həm də müharibə nəticəsində itirilmiş tarixi yaddaşın simvollarından biri sayılır. Onun bərpası arzusu hələ də aktuallığını qoruyur.