Uzun müddət davam edən akademik və ya peşəkar hazırlıq zamanı insanın enerji ehtiyatları tədricən azalır.Bu zaman emosional həssaslıq artır,konsentrasiya zəifləyir,motivasiya düşür və insan öz performansını idarə etməkdə çətinlik çəkir.Buna emosional tükənmə deyirik.Tükənmə adətən birdən olmur,kiçik siqnallarla başlayır və yavaş-yavaş yığılır.
Bu fikirləri “Tehsil365”ə açıqlamasında psixoloq Nizami Orucov deyib.O,bildirib ki:
Bu tükənmənin əsas səbəbləri hansılardır?
Həddindən artıq yüklənmiş gündəlik plan
Perfeksionizm və özündən çox yüksək gözlənti
Daimi gərginlikdə işləmək, fasiləsizlik
Sosial dəstəyin azalması
Bədən ehtiyaclarının nəzərə alınmaması ,yuxu, qidalanma, hərəkət
Uzunmüddətli hazırlıq insanı yalnız zehni deyil, emosional və fiziki olaraq da tükəndirir.Uzunmüddətli hazırlıqda tükənməmək üçün özünü çox yükləməməyə çalış. Çalışma zamanı kiçik fasilələr vermək həm enerjini qoruyur, həm də beynini yüngülləşdirir. Planını da real tut hər gün özündən mükəmməllik gözləmək əksinə motivasiyanı azaldır. Bədəninin siqnallarını dinlə; yuxun azalırsa, başın ağrıyırsa və ya əsəbiləşirsə, bu sənin yavaşlama ehtiyacındır. Hisslərini içində saxlamadan, gəzinti, idman və ya qısa bir söhbətlə emosional yükünü azalt. Və ən əsası, özünü sevindirməyi unutma, kiçik mükafatlar motivasiyanın uzun müddət davam etməsinə çox kömək edir.