Bu gün tanınmış Azərbaycan aşığı, Əməkdar mədəniyyət işçisi Zülfiyyə İbadovanın — Aşıq Zülfiyyənin doğum günüdür.
"Tehsil365" xəbər verir ki, Sənətkar 1970-ci ilin 26 noyabrında Tovuz rayonunun Alakol kəndində dünyaya gəlib.
Aşıq Zülfiyyə Azərbaycanın aşıq sənətində öz dəsti-xətti ilə seçilən sənətkarlardandır. O, 1987-ci ildə Azərbaycan komsomolu mükafatına layiq görülüb. Uzun illərdir ki, "Aşıq Pəri" Məclisinin və Azərbaycan Aşıqlar Birliyinin fəal üzvüdür.
2017-ci ildə Aşıq Zülfiyyə Azərbaycan Respublikasının Əməkdar mədəniyyət işçisi fəxri adına layiq görülüb. Onun ifasında səslənən aşıq havaları, dastanlar və qoşmalar bu gün də dinləyicilər tərəfindən sevilərək qarşılanır.
Sənətkarın doğum günü münasibətilə onu təbrik edir, yaradıcılıq uğurlarının davamlı olmasını diləyirik.