Azərbaycan Dillər Universitetinin (ADU) İngilis və fransız dilləri fakültəsi nəzdində İngilis dilinin qrammatikası kafedrasının dosenti Nailə Nabiyeva İngilis və alman dilləri və İngilis və fransız dilləri fakültələrinin I kurs tələbələri üçün “İngilis dilində zaman formaları” mövzusunda təlim keçirib. Təlim mövzunun çətinliyi və genişliyi nəzərə alınaraq həm nəzəri, həm də praktiki baxımdan dolğun şəkildə təşkil olunub.
“Tehsil365” bildirir ki, dosent Nailə Nabiyeva təlim zamanı müasir metodlara əsaslanan interaktiv və praktik tapşırıqlardan geniş istifadə edib. Tapşırıqlar real həyat situasiyalarına uyğunlaşdırılaraq tələbələrin öyrəndiklərini dərhal tətbiq etməsinə və zamanların düzgün istifadəsini sürətli şəkildə mənimsəməsinə şərait yaradıb.
Təlim tələbələr tərəfindən böyük maraqla qarşılanıb və onların fəal iştirakı ilə keçirilib. Təlim həm qrammatik biliklərin möhkəmlənməsi, həm də ingilis dilində düşünmə və ifadəetmə bacarıqlarının inkişafı baxımından əhəmiyyətli rol oynayıb.