Azərbaycan Dillər Universitetinin Doktorantura və Beynəlxalq şöbələrinin birgə təşkilatçılığı ilə İspaniyanın Alkala Universitetinin professoru Jesus Laborda tərəfindən “Beynəlxalq jurnallar üçün necə yazmalı” (“How to Write for International Journals”) mövzusunda seminar keçirilib.
“Tehsil365” bildirir ki, seminarda professor beynəlxalq akademik jurnallara məqalə hazırlamaq üçün əsas strategiya və texnikalar barədə məlumat verib. İştirakçılar məqalənin strukturlaşdırılması, jurnal tələblərinə uyğunlaşdırılması və rəyçilərin (peer-review) geribildirimlərinin idarə olunması ilə bağlı praktiki biliklər əldə ediblər.
Tədqiqatçıların xarici dildə yazı prosesində qarşılaşdıqları çətinliklərə xüsusi diqqət yetirilib. Başlıq və xülasənin hazırlanması, açar sözlərin seçilməsi, ümumi səhvlərdən yayınma yolları və akademik məqalələrin qəbul şansını artıran məqamlar seminarın əsas istiqamətlərindən olub.
Tədbir sonunda professor tələbələrin suallarını cavablandırıb.