Noyabrın 25-də Azərbaycan Dillər Universitetinin (ADU) Filologiya fakültəsində Azərbaycan dilçiliyi kafedrasının təşkilatçılığı ilə “Əkinçi” qəzetinin 150 illiyinə həsr olunmuş “Mətbuat və dil” mövzusunda tədbir keçirilib.
“Tehsil365” bildirir ki, tədbiri giriş sözü ilə açan kafedra müdiri dos. Fərəh Niftəliyeva “Əkinçi” qəzetinin Azərbaycan ədəbi dilinin inkişafına təsirindən bəhs edib. Videoçarx təqdimatından sonra kafedranın baş müəllimi Elnarə Yəhyayeva Azərbaycan cəmiyyətində milli özünüdərkin formalaşmasında “Əkinçi” qəzetinin rolundan danışıb.
Filologiya fakültəsinin IV kurs tələbələri – Əhmədli Arzu, Mahmudlu Fatimə, Hüseynova Zəhra, Quliyeva Nigar, Mustafayeva Aysel, Əliyeva Nərmin, Quliyeva Nərmin və Haşımzadə Fatimə mövzunun davamı olaraq “Əkinçi” qəzetinin dil və üslub xüsusiyyətləri barədə maraqlı təqdimatlar nümayiş etdirdilər. Mövzu ətrafında çıxışlarda milli mətbuatın dil problemləri müzakirə olunub.
Tədbir Filologiya fakültəsinin dekanı dos. A. Budaqova və dekan müavini dos. N. Əsədov tərəfindən təşkilatçılara və tələbələrə təşəkkür nitqi ilə yekunlaşıb.