Dərs oxunma tətbiqi valideyn tərəfindən uşağa tətbiq olunmalı və buna nəzarət olunmalıdır.Əgər valideyn buna əhəmiyyət vermirsə,bir uşağın dərs oxunmasında böyük bir irəliləyişlərin olması mümkünsüz və imkansızdır.
Bu fikirləri “Tehsil365”ə açıqlamasında psixoloq Gülnar Orucova deyib.O,bildirib ki:
“Dərs oxumağın müəyyən bir saatı olmalıdır.Əgər dərs oxuyursansa radio,televizor və bu kimi əşyaları digər otağa qoymaq,özündən uzaqlaşdırmaq lazımdır.Stolun üzərində ancaq dərs və dərs vəsaitləri olmalıdır.Bəzən stolun üzərinə yeyəcəklər də qoyulur ki,bu da olmamalıdır.Bəzən 25-30 dəqiqə dərs oxuyub 5 dəqiqə fasilə edirsən,amma bu zaman telefon götürmək olmaz.Çünki,telefona 5 dəqiqə baxdığını düşünən zaman bir zaman görürsən ki,sən dərsə dönüş etməmisən.
Dərs oxuyan zaman mühiti,saatı düzgün seçmək lazım və ən azı 7,8 saat yatmaq lazımdır ki,beyin bu dərsi qavrasın.Eyni zamanda,təkrarlara diqqət etmək və hər zaman hədəf qoymaq lazımdır.Əgər biz hədəf qoymuruqsa demək ki,bu işi irəliyə aparmaq istəmirik.Hədəf qoyub o hədəfə çatmağa çalışmalıyıq.Minimal olaraq kiçik hədəflər qoyulmalıdır,çünki o hədəflərə çatan zaman bizim motivasiyamız yüksək olur.
Öyrənmə metodlarını gücləndirən digər amillərdən biri də sual,cavab və qısa qeydlərdir.Qeydləri apardıqca əsas hissələrini yazırıq və təkrar-təkrar əsas hissələri oxuduqca o yaddaşımızda qalır.Hansı mövzu bizim yadımızda qalmırsa biz onu yuxuya getməzdən əvvəl bir dəfə oxumalıyıq.O zaman,ən son məlumat olduğu üçün uzun müddət yaddaşımızda qalır.Bəzən böyüklər deyir ki, səhər tezdən durub oxumaq lazımdır,lakin elə deyil beyin ən son məlumatı daha uzun müddətli yadda saxlayır”.