Dünyanın ən ağıllı 10 heyvanı: Onların zəkası bəzən insanı belə üstələyir (FOTO)İnsan hələ də heyvanların şüuru haqqında çox şeyi bilmir, buna görə də heyvan zəkası ilə bağlı hər yeni kəşf təəccübləndirməyə davam edir.
“Tehsil365” xəbər verir ki, "Discover Wildlife" müxtəlif dəniz, quru və hava canlıları arasında müşahidə olunan intellektual qabiliyyətlərə əsaslanaraq planetin ən ağıllı 10 heyvanını təqdim edib. Maraq doğuran məqam isə odur ki, beyinin kiçik olması heç də zəka baxımından gerilik demək deyil.
1. Şimpanze
Dünyanın ən ağıllı 10 heyvanı: Onların zəkası bəzən insanı belə üstələyir (FOTO)İnsana ən yaxın genetik qohum olan şimpanzelər Yer üzündəki ən ağıllı heyvanlar sayıla bilər. Alətlər hazırlamaq, qozları daşla qırmaq, həşəratları çıxarmaq, mürəkkəb ünsiyyət formalarından istifadə etmək kimi qabiliyyətlərə malikdirlər. Şimpanzelər həmçinin insanın işarə dilini də öyrənə bilər.
Maraqlı fakt: Şimpanzelər özlərini güzgüdə və videoda tanıya bilir. İnsan övladı isə bunu 3–4 yaşa qədər bacarmır.
2. Komodo varanı
Dünyanın ən ağıllı 10 heyvanı: Onların zəkası bəzən insanı belə üstələyir (FOTO)Yer kürəsinin ən böyük kərtənkələsi olmaqla yanaşı, ən ağıllı sürünən sayılır. Komodo varanları təbiətdə bacarıqlı ovçudur, əsirlikdə isə öz adlarını tanıyır və baxıcılarını bir-birindən seçə bilirlər.
3. Delfin
Dünyanın ən ağıllı 10 heyvanı: Onların zəkası bəzən insanı belə üstələyir (FOTO)Beyin–bədən nisbətinə görə yalnız insandan geri qalırlar. Delfinlər ov zamanı ağıllı strategiyalardan istifadə edir, insanlarla əməkdaşlıq etdikləri dəfələrlə qeydə alınıb. Məsələn, balıqçıların torlarına balıq qovmağa kömək etdikləri məlumdur.
4. Afrika boz tutuquşu
Dünyanın ən ağıllı 10 heyvanı: Onların zəkası bəzən insanı belə üstələyir (FOTO)Dünyanın ən ağıllı quşu hesab olunur və təqlid qabiliyyəti ilə məşhurdur.
Maraqlı fakt: Afrika boz tutuquşu bəzi idrak testlərindən beş yaşlı uşaqdan daha yüksək nəticə göstərib.
5. Siçan
Dünyanın ən ağıllı 10 heyvanı: Onların zəkası bəzən insanı belə üstələyir (FOTO)Çox vaxt qiymətləndirilməyən, lakin son dərəcə ağıllı heyvandır. Siçanlar labirintlərdən çıxış tapır, rəqəmləri ayırd edir, insanları tanıyır və çox həssas bığlara sahibdir.
6. Qarğa (korvidlər)
Dünyanın ən ağıllı 10 heyvanı: Onların zəkası bəzən insanı belə üstələyir (FOTO)Kiçik beyinlərinə baxmayaraq inanılmaz hesablama qabiliyyətinə malikdirlər. Qaraquşlar qozları piyadalar üçün nəzərdə tutulmuş keçidlərə ataraq maşınların qozu qırmasını gözləyir. Bu quşlar bəzi primatlarla müqayisə edilə biləcək intellekt nümayiş etdirir.
7. Balina
Dünyanın ən ağıllı 10 heyvanı: Onların zəkası bəzən insanı belə üstələyir (FOTO)Balinalar geniş səs diapazonu ilə ünsiyyət qurur. Qatillər (Orca), kaşalotlar və digər dişli balinalar yüksək səviyyəli exolokasiya qabiliyyətinə malikdir. Fərqli regionlarda balinaların müxtəlif "dialektlərlə" danışdığı məlumdur.
8. Fil
Dünyanın ən ağıllı 10 heyvanı: Onların zəkası bəzən insanı belə üstələyir (FOTO)Fildən daha yaxşı yaddaş sahibi demək olar ki, yoxdur. Afrika filləri insan qruplarını geyim, qoxu və səsə görə ayırd edə bilir və davranışlarını təhlükə səviyyəsinə uyğun dəyişdirir.
9. Səkkizayaqlılar
Dünyanın ən ağıllı 10 heyvanı: Onların zəkası bəzən insanı belə üstələyir (FOTO)Səkkizayaqlılarda mərkəzi beyinlə yanaşı səkkiz çəngəlin hər birində bir sinir mərkəzi olmaqla cəmi doqquz beyin var. Bu quruluş onlara ətraf mühiti hiss etmək və mürəkkəb tapşırıqları həll etmək imkanı verir. Laboratoriya testlərində labirintlərdən keçə bildikləri dəfələrlə sübut olunub.
10. Arı
Dünyanın ən ağıllı 10 heyvanı: Onların zəkası bəzən insanı belə üstələyir (FOTO)Dünyada 25 mindən çox arı növü var və hamısı yüksək səviyyəli instinkt və öyrənmə qabiliyyətlərinə malikdir. Araşdırmalar göstərir ki, arılar saymağı, müşahidə etməyi və öyrənmə yolu ilə problemləri həll etməyi bacarır.