Bu gün tanınmış Azərbaycan rəssamı, Azərbaycan Respublikasının xalq rəssamı (1992), milli rəssamlıq sənətinin ən parlaq nümayəndələrindən biri olan Güllü Hacı Naim qızı Mustafayevanın doğum günüdür.
"Tehsil365" xəbər verir ki, 29 noyabr 1919-cu ildə Türkmənistanın Çarcuy şəhərində dünyaya gələn Güllü Mustafayeva, Azərbaycan təsviri sənətində özünəməxsus yeri olan sənətkarlardandır. O, rəngkarlıqda qadın obrazlarının təqdimində, milli ornamentlərin və klassik üslubun birləşməsində fərqli üslubu ilə tanınıb. Əsərlərində Azərbaycan qadınının daxili aləmi, incə duyğuları və milli dəyərləri yüksək estetik zövqlə əks olunub.
Onun yaradıcılığı uzun illər boyu sərgilərdə nümayiş etdirilib, bir çox əsərləri ölkənin sənət qalereyalarında və şəxsi kolleksiyalarda saxlanılır.
Güllü Mustafayeva 18 may 1994-cü ildə Bakıda vəfat edib. O, Azərbaycan incəsənət tarixində öz izini qoymuş, nəsillərə örnək sənətkar kimi yaddaşlarda qalır.