Son illər sağlam qidalanma trendlərinin artması ilə bir çox qida növlərinin təsiri yenidən gündəmə gəlib.
“Tehsil365” geniş istifadə olunan, lakin dəyəri çox vaxt tam bilinməyən brokolinin faydalarını və ehtiyat tələb edən məqamlarını araşdırıb.
Mütəxəssislərə görə brokoli:
Güclü antioksidant mənbəyidir – orqanizmdə şiş hüceyrələrinin yaranma riskini azalda bilər.
İmmuniteti gücləndirir – tərkibindəki C vitamini, kalium və lif sayəsində xəstəliklərə qarşı müqaviməti artırır.
Həzm sisteminə müsbət təsir göstərir – liflər bağırsaq fəaliyyətini tənzimləyir.
Ürək-damar sağlamlığını dəstəkləyir – xolesterolu aşağı salmağa kömək edir.
Bununla yanaşı, araşdırmalar göstərir ki, brokolinin həddindən artıq istifadəsi bəzi hallarda:
Qaz və şişkinlik yarada,
Qalxanabənzər vəz problemli şəxslərdə hormonal balansı təsirləyə,
Həzm zəifliyində narahatlıq yarada bilər.
Mütəxəssislər brokolinin həftədə 2–3 dəfə, buxarda və ya sobada hazırlanaraq qəbul edilməsini tövsiyə edir.