Bu gün Azərbaycan Respublikasının Baş naziri Əli Hidayət oğlu Əsədovun doğum günüdür.
"Tehsil365" xəbər verir ki, O, 1956-cı il noyabrın 30-da Bakı şəhərində anadan olub.
Əli Əsədov uzun illər dövlət idarəçiliyində mühüm vəzifələrdə çalışıb. 1998–2012-ci illərdə Prezidentin iqtisadi məsələlər üzrə köməkçisi, 2012–2019-cu illərdə isə Prezident Administrasiyası rəhbərinin müavini olub.
2019-cu ildən etibarən isə Azərbaycanın 10-cu Baş naziri vəzifəsini icra edir. Onun fəaliyyəti iqtisadi inkişafın davamlılığı, sosial siyasətin gücləndirilməsi və idarəetmədə səmərəliliyin artırılması ilə müşahidə olunur.
Əli Əsədovun rəhbərliyi altında hökumət ölkənin dayanıqlı inkişafı istiqamətində mühüm qərarlar qəbul etməkdədir.