Bu gün görkəmli siyasi xadim, Azərbaycan Xalq Cümhuriyyətinin sonuncu daxili işlər naziri Mustafa bəy Vəkilovun vəfatından 60 il ötür.
"Tehsil365" xəbər verir ki, 1896-cı ilin sentyabrında Qazaxda anadan olan Mustafa bəy Vəkilov Moskva Universitetinin hüquq fakültəsini bitirmiş, 24 yaşında Azərbaycanın daxili işlər naziri təyin olunaraq cümhuriyyət hökumətinin ən gənc naziri olmuşdur.
O, Azərbaycan Xalq Cümhuriyyəti Parlamentinin üzvü olaraq milli dövlət quruculuğunda fəal iştirak etmiş, 1920-ci ildə sovet işğalından sonra mühacirətə getmişdir. Ömrünün sonunadək mühacirətdə Azərbaycan ideyalarına sadiq qalan Mustafa bəy 30 noyabr 1965-ci ildə Ankarada vəfat edib.
Onun siyasi irsi və dövlətçilik fəaliyyəti bu gün də xatırlanır və hörmətlə anılır.