Bu gün tanınmış skripkaçı, pedaqoq, Azərbaycan Respublikasının əməkdar incəsənət xadimi Tahir İsrafil oğlu Atakişiyevin vəfatından 13 il ötür.
"Tehsil365" xəbər verir ki, 1927-ci il avqustun 21-də Göyçayda anadan olan Tahir Atakişiyev musiqi sahəsində uzun illər fəaliyyət göstərərək Azərbaycan skripka məktəbinin inkişafında mühüm rol oynayıb. O, həm ifaçılıq, həm də pedaqoji fəaliyyəti ilə tanınıb, gənc musiqiçilərin yetişməsində böyük xidmətlər göstərib.
2007-ci ildə ona “Əməkdar incəsənət xadimi” fəxri adı verilərək Azərbaycan musiqisinə verdiyi töhfələr dövlət səviyyəsində qiymətləndirilib.
Tahir Atakişiyev 2012-ci ilin 30 noyabrında Bakıda vəfat edib. Onun sənətə sevgisi və zəhməti bu gün də hörmətlə xatırlanır.