Son illər smartfonlardan istifadənin artması ilə həkimlər və psixoloqlar telefona çox baxmağın insan sağlamlığına təsirləri barədə xəbərdarlıq edirlər.
“Tehsil365”in araşdırmasına əsasən, uzun müddət ekrana baxmaq göz yorğunluğu, baş ağrısı və yuxusuzluğa səbəb ola bilər. Eyni zamanda, boyun və bel ağrıları, diqqət dağınıqlığı və sosial izolyasiya da bu vərdişin fəsadları sırasındadır.
Mütəxəssislər bildirirlər ki, xüsusilə uşaqlarda və yeniyetmələrdə ekran qarşısında çox vaxt keçirmək psixoloji inkişafı ləngidə və asılılıq yarada bilər. Gündəlik ekran vaxtının məhdudlaşdırılması və texnologiyadan balanslı istifadə sağlam həyat üçün vacib hesab olunur.