Malidə silahlı qrupların yanacaq təchizatına tətbiq etdiyi blokada ölkə üzrə geniş miqyaslı pozuntulara səbəb olub.
“Tehsil365” xəbər verir ki, Hökumət vəziyyətin gərginliyini nəzərə alaraq məktəblərin və universitetlərin iki həftəlik bağlanması qərarını verib.
Blokada nəticəsində ictimai nəqliyyat və təhsil müəssisələrinin fəaliyyəti ciddi şəkildə pozulub. Yanacaq çatışmazlığı səbəbindən bir çox məktəb müəllim və şagirdlərin dərsə gəlməsində çətinliklərlə üzləşib.
Hökumət vəziyyəti sabitləşdirmək üçün tədbirlər görəcəyini bəyan etsə də, bölgələrdə narahatlıq artır. Təhsil ekspertləri bu fasilənin tədris ilinə mənfi təsir göstərəcəyindən narahatdırlar.