ABŞ-a təhsil üçün viza almaq istəyən hindistanlı tələbələrin sayında əhəmiyyətli azalma qeydə alınıb.
“Tehsil365” xəbər verir ki, Rəsmi məlumatlara əsasən, ötən illə müqayisədə Hindistan vətəndaşlarına verilən tələbə vizalarının sayı 45% azalıb.
Bu azalma ABŞ və Hindistan arasında təhsil sahəsindəki əlaqələrə təsir göstərə bilər. Ekspertlər bu azalmanı vizaların təsdiq prosesində sərtləşmələr, ABŞ-da yerləşmə çətinlikləri, maliyyə problemləri və immiqrasiya qaydalarındakı dəyişikliklərlə əlaqələndirirlər.
Təhsil mütəxəssisləri bildirirlər ki, bu tendensiya davam edərsə, ABŞ universitetləri beynəlxalq tələbələrdən, xüsusilə hindistanlılardan əldə olunan gəlirlərdə ciddi itki ilə qarşılaşa bilər. ABŞ-ın aparıcı universitetləri vəziyyəti yaxından izləyir və qəbul strategiyalarını yenidən nəzərdən keçirmək məcburiyyətində qala bilər.