ABŞ-ın Virciniya ştatında iki məktəb dairəsi üçün yeni tərəfdaşlıq sayəsində müəllimlərə ChatGPT alətlərinə pulsuz çıxış imkanı yaradılıb.
"Tehsil365" xəbər verir ki, Layihənin məqsədi tədris prosesini asanlaşdırmaq, müəllimlərə dərs planları hazırlamaq və şagirdlərlə fərdi şəkildə işləməkdə texnologiyanın imkanlarından istifadə etməyə şərait yaratmaqdır.
Bu təşəbbüs, süni intellektin təhsil sahəsində praktiki istifadəsinə yönəlmiş ən son addımlardan biridir. Eyni zamanda, Massaçusets Texnologiya İnstitutunda (MIT) süni intellekt və qərarvermə üzrə proqramlara qəbul olunan tələbələrin sayında kəskin artım qeydə alınıb. Universitet bu sahəyə marağın artmasını əmək bazarında süni intellekt bacarıqlarına olan tələbatla əlaqələndirir.
Həm yerli, həm də ali təhsil səviyyəsində süni intellektin geniş istifadəsi, təhsilin gələcəyində bu texnologiyaların əsas rol oynayacağını göstərir.