Azərbaycan Dillər Universitetində (ADU) Psixologiya və Pedaqogika kafedrasının müəllimi, p.f.d. Samirə Həsənovanın təqdimatında doktorantlar üçün “Təhsildə qiymətləndirmə modelləri və beynəlxalq təcrübə (PISA, TIMSS, PIRLS)” mövzusunda seminar keçirilib.
“Tehsil365” bildirir ki, seminar zamanı iştirakçılar müasir qiymətləndirmə modelləri, beynəlxalq qiymətləndirmə tədqiqatlarının məqsədləri və tətbiq mexanizmləri barədə geniş məlumat əldə ediblər. Samirə Həsənova çıxışında qiymətləndirmənin təhsilin keyfiyyətinə təsiri, PISA, TIMSS və PIRLS tədqiqatlarının müqayisəli təhlili, onların dünya təhsil sistemlərində rolu barədə ətraflı məlumat verib. Real nümunələr əsasında tapşırıqlarla praktiki çalışmalar aparılıb.
Tədbir doktorantların elmi-pedaqoji fəaliyyətlərində qiymətləndirmə bacarıqlarının inkişafına, həmçinin beynəlxalq təcrübənin yerli təhsil sisteminə tətbiqi ilə bağlı daha aydın təsəvvürlərin formalaşmasına töhfə verib.
Qeyd edək ki, Azərbaycan Dillər Universitetinin Doktorantura şöbəsi və Təhsil fakültəsi nəzdində fəaliyyət göstərən Psixologiya və Pedaqogika kafedrası 2025–2026-cı tədris ili üzrə aparıcı müəllimlərin iştirakı ilə mütəmadi elmi seminarların keçirilməsini planlaşdırıb.