Ümumiyyətlə praktika məsələsi sadəcə jurnalistika sahəsində deyil, bütün ixtisaslar sırasında Ali təhsil müəəsəsələrində problem olaraq qalmaqdadır.
“Tehsil365” xəbər verir ki, bu barədə Təhsil eksperti Ramin Nurəliyev qeyd edib ki, “biz əgər Beynəlxalq ali təhsil müəssəsələri təcrübəsi ilə Azərbaycan ali təhsil müəssəsələrini müqayisə etsək görərik ki, xarici inkişaf etmiş ölkələrdə xüsusi ilə də avropa ölkələrində nəzəri biliklərlə yanaşı praktiki biliklərə daha çox üstünlük verilir və demək olar ki, tələbələrin öz ixtisasları üzrə praktiki bilikləri inkişaf etdirilir”.
Ekspert qeyd edib ki, “Amma təəssüflər olsun ki, bizim təhsil müəssəsələrində sadəcə bir semestr bəzən isə ola bilər ki bir neçə ixtisasda sadəcə 1 kurs praktiki dərs keçirilir. Məhz buna görə də, bizim gənclərimiz ali təhsili başa vurduqdan sonra əmək bazarında rahatlıqla fəaliyyət göstərə bilmir’.
Həmçinin qeyd olunub ki, “məslən deyək ki, ADA universiteti və Migəçevir Dövlət universitetində oxuyan tələbələri nəzərdə tutsaq, işə götürən daha çox bitirdiyi təhsil müəssəsəsinə fikir verir və ADA universitetini bitirənlərə üstünlük verirlər çünki düşünürlər ki onların praktiki bacarığı daha çoxdur”.
Ramin Nurəliyev onu da qeyd edib ki, “həmçinin bu Jurnalistika fənninə də aiddir, təəssüflər olsun ki, tələbələr bu ixtisasda sadəcə bir semestr praktika keçir və daha sonra özəl yerlərdə işləməyə üz tuturlar çünki ixtisasa uyğun praktiki bilik az olur”.
Qeyd edilib ki, “bu gün də işsizlik problemlərinin çoxu bu məsələdən qaynaqlanır. Məsələn Hüquq ixtisasını bitirən gəncimiz iddia ərizəsi yazmaqda çətinlik çəkir və yaxud Pedaqoji təhsil alan gənclərimizin çoxu MİQ imtahanına rahat girə bilmir, məcburdur ki MİQ imthanına hazırlaşmaq üçün hər hansı bir kursa yönəlsin”
Sonda qeyd edilib ki, “Ali təhsil müəssəsələrimizin bu istidamətdə ciddi addımlar atması mütləqdir. Eyni zamanda universitet rəhbərləri gənclərin praktikasına üstünlük verməlidir”.