Bu gün Azərbaycanın Milli Qəhrəmanı, Birinci Qarabağ müharibəsi şəhidi Şikar Şikarovun anadan olmasından 72 il ötür.
"Tehsil365" xəbər verir ki, Şikar Şükür oğlu Şikarov 3 dekabr 1953-cü ildə Bakı şəhərində anadan olub. O, Azərbaycanın hərb tarixinə öz peşəkarlığı və vətənə sədaqəti ilə iz qoymuş nüfuzlu zabitlərdən biri kimi daxil olub. 1992-ci ildə Azərbaycan Silahlı Qüvvələrinin Baş Qərargahı rəisinin birinci müavini vəzifəsində çalışıb.
Birinci Qarabağ müharibəsinin ən gərgin dövrlərində xidmət edən Şikarov, 13 iyun 1992-ci ildə Ağdərə istiqamətində gedən döyüşlər zamanı qəhrəmancasına şəhid olub.
Şikar Şikarovun vətənə olan bağlılığı və hərbi sahədəki xidmətləri dövlət tərəfindən yüksək qiymətləndirilib, o, ölümündən sonra "Azərbaycanın Milli Qəhrəmanı" fəxri adına layiq görülüb.
Bu gün onun xatirəsi ehtiramla anılır.