Bu gün, 3 dekabr, görkəmli Azərbaycan tarixçisi və şərqşünas, akademik Əbdülkərim Əlizadənin vəfatının ildönümüdür.
"Tehsil365" xəbər verir ki, O, 1906-cı il yanvarın 11-də Bakı qəzasının Bilgəh kəndində anadan olmuş, elmi fəaliyyəti ilə Azərbaycanın tarix və şərqşünaslıq elminə dəyərli töhfələr vermişdir.
Əlizadə 1944–1950-ci illərdə Azərbaycan SSR Elmlər Akademiyasının Tarix İnstitutunun direktoru, 1958-ci ildən isə Şərqşünaslıq İnstitutunun rəhbəri olmuşdur. O, 1955-ci ildə Azərbaycan SSR Elmlər Akademiyasının akademiki seçilmiş, 1956-cı ildən isə İctimai Elmlər Bölməsinin akademik-katibi vəzifəsini icra etmişdir.
Elmi araşdırmaları ilə tanınan Əbdülkərim Əlizadə tarix elmləri doktoru olmuş, bir çox əsərlərin müəllifi kimi tarixşünaslıq sahəsində mühüm rol oynamışdır. Onun əməyi SSRİ Dövlət mükafatı ilə də qiymətləndirilmişdir.
Əlizadə 1979-cu il dekabrın 3-də Bakı şəhərində vəfat etmişdir. Onun zəngin elmi irsi bu gün də elmi ictimaiyyət tərəfindən dəyərləndirilir və xatirəsi hörmətlə anılır.