Bu gün, 3 dekabr, tanınmış Azərbaycan rəssamı, əməkdar rəssam Rəfael Abbasovun vəfatının ildönümüdür.
"Tehsil365" xəbər verir ki, O, 1943-cü il noyabrın 28-də Bakıda anadan olmuşdu.
Rəfael Abbasov sənətə olan dərin marağı və yaradıcılığı ilə tanınıb. O, Azərbaycan Rəssamlar İttifaqının üzvü olaraq, uzun illər ərzində ölkənin incəsənət həyatında fəal iştirak etmiş, bir çox fərdi və ümumrespublika sərgilərində əsərləri ilə çıxış etmişdir.
2006-cı ildə Rəfael Abbasova Azərbaycan Respublikasının əməkdar rəssamı fəxri adı verilmişdi. Onun yaratdığı əsərlər təkcə estetik baxımdan deyil, həm də milli mədəni irsin təbliği baxımından böyük əhəmiyyət daşıyır.
Rəssam 2020-ci il dekabrın 3-də vəfat etmişdir. Onun sənət mirası bu gün də rəssamlıqsevərlər və sənət cameəsi tərəfindən böyük hörmətlə yad edilir.