Bu gün – 3 dekabr dünyada Beynəlxalq Əlillər Günü kimi qeyd olunur.
"Tehsil365" xəbər verir ki, BMT-nin təşəbbüsü ilə 1992-ci ildən etibarən qeyd edilən bu günün məqsədi əlilliyi olan insanların hüquqlarının müdafiəsi, onların cəmiyyətə inteqrasiyasının təşviqi və ictimaiyyətin bu mövzuya diqqətinin artırılmasıdır.
Azərbaycan da bu əlamətdar günü qeyd edən ölkələr sırasındadır. Ölkəmizdə son illər əlilliyi olan şəxslərin sosial müdafiəsinin gücləndirilməsi, inklüziv təhsilin inkişafı və onların məşğulluğunun artırılması istiqamətində mühüm addımlar atılır.
Hər il bu gün müxtəlif tədbirlər, konfranslar və maarifləndirici aksiyalar keçirilir. Məqsəd cəmiyyətdə əlilliyi olan insanlara qarşı anlayış və dəstək mühitinin formalaşdırılmasıdır.
Bu gün bir daha xatırladır ki, əlillik fərqlilik deyil – həyatın bir gerçəkliyidir. Cəmiyyətin hər bir üzvü, istər fiziki, istər sosial baxımdan, bərabər hüquqlarla yaşamalıdır.