Son vaxtlar məktəblərdə süni intellekt texnologiyasından istifadə edilərək yaradılan “deepfake” (dərin saxta) pornoqrafik şəkillərin sayı ciddi şəkildə artıb.
“Tehsil365” xəbər verir ki, Bu texnologiya vasitəsilə şagirdlərin, xüsusilə də qızların şəkilləri dəyişdirilərək, çılpaq kimi göstərilir. Çox vaxt bu şəkillər həmyaşıdları tərəfindən hazırlanır və sosial mediada paylaşılır.
Yüzlərlə müəllim bu hallarla qarşılaşdıqlarını bildirir. Bir qız şagirdin bu cür görüntüsünü gördükdən sonra emosional zərbə alaraq qusduğu qeyd olunur. Müəllimlər və valideynlər bu hallar qarşısında ciddi narahatlıqlar ifadə edirlər.
Mütəxəssislər xəbərdarlıq edir ki, bu texnologiyanın sürətlə yayılması və istifadəsinin asan olması vəziyyəti daha da təhlükəli edir. Məktəblərdə hüquqi maarifləndirmə və texnoloji nəzarət tədbirlərinin gücləndirilməsi tələb olunur.
Təhsil qurumları bu cür hallara qarşı sıfır tolerantlıq prinsipini tətbiq etməyə və şagirdləri həm hüquqi, həm psixoloji baxımdan müdafiə etməyə çağırılır.