Azərbaycan Dillər Universitetinin BMR fakültəsi nəzdində fəaliyyət göstərən Beynəlxalq Münasibətlər kafedrası və Fəlsəfə və İctimai Elmlər kafedrasının birgə təşkilatçılığı ilə “Konstitusiya və Suverenlik ili çərçivəsində: Müstəqillikdən Suverenliyə — Dövlətçiliyin Hüquqi Sütunları” adlı elmi-praktik tədbir keçirilib.
“Tehsil365” bildirir ki, tədbirə moderatorluq edən prof. A.M. Yusifzadə 2025-ci ilin Konstitusiya və Suverenlik ili elan olunmasının Azərbaycan dövlətçilik tarixinin yeni mərhələsinin elmi müzakirəsi üçün mühüm imkan yaratdığını vurğulayıb.
Tədbir zamanı mövzu ətrafında geniş müzakirələr aparılıb. Müzakirələrdə Elvar Xəlilov və Əli Məmmədov çıxış edərək dövlətçilik ənənələrinin formalaşması, hüquqi çərçivənin inkişafı və suverenlik anlayışının müasir dövrdə əhəmiyyəti barədə fikirlərini səsləndiriblər.
Tədbir çərçivəsində iştirakçılar müasir dövlət quruculuğu, hüquqi dövlət prinsipləri və suverenliyin təminatı mövzularında fikir mübadiləsi aparıblar.