Bu gün Bakı şəhərinin nəqliyyat tarixində mühüm gündür. 1941-ci ilin 5 dekabrında Bakıda ilk trolleybus xətti istifadəyə verildi.
"Tehsil365" xəbər verir ki, Bu, paytaxtın ictimai nəqliyyat sistemində yeni mərhələnin başlanğıcı idi.
Trolleybuslar müasir dövrün ekoloji nəqliyyat vasitəsi hesab olunsa da, o dövrdə də elektriklə işləməsi ilə fərqlənirdi və şəhərdə səssiz, daha təmiz nəqliyyat növü kimi qarşılanmışdı. İlk xətt Bayıl–Sovetski marşrutu üzrə fəaliyyət göstərirdi.
Sonrakı illərdə trolleybus parkı genişləndi və bu nəqliyyat vasitəsi Bakı sakinlərinin gündəlik həyatının ayrılmaz hissəsinə çevrildi. Trolleybuslar Bakıda uzun illər fəaliyyət göstərsə də, 2000-ci illərin əvvəllərində mərhələli şəkildə istismardan çıxarıldı.
Bu gün isə 5 dekabr tarixinin Bakı nəqliyyat tarixində xüsusi yeri olduğu xatırlanır.