6 dekabr — görkəmli teatr və kino aktyoru, Azərbaycan Respublikasının xalq artisti Muxtar Həsən oğlu Avşarovun anım günüdür.
“Tehsil365” xəbər verir ki, O, 1914-cü il 15 fevralda İrəvanda anadan olmuş, zəngin yaradıcılıq yolu keçmiş və 2004-cü ilin bu günündə Bakıda vəfat etmişdir.
Muxtar Avşarov Azərbaycan teatr sənətində öz dəsti-xətti ilə seçilən aktyorlardan biri idi. O, uzun illər müxtəlif səhnələrdə çalışaraq yüzlərlə obraz yaratmış, xüsusilə dramatik rollarda göstərdiyi ustalıqla tamaşaçıların qəlbində dərin iz buraxmışdır.
2002-ci ildə Azərbaycan Respublikasının xalq artisti fəxri adına layiq görülən sənətkar həmçinin kino sahəsində də yaddaqalan rolları ilə tanınırdı.
Onun sənəti və əməyi Azərbaycan mədəniyyətinin inkişafında əhəmiyyətli rol oynamışdır. Muxtar Avşarovun xatirəsi sənətsevərlərin yaddaşında daim yaşayacaq.