Böyük Mançester Universiteti maliyyə pozuntuları ilə bağlı qalmaqalın mərkəzindədir.
“Tehsil365” xəbər verir ki, Universitet artıq polis tərəfindən araşdırılır və "maliyyə fırıldağı" ilə bağlı irəli sürülən iddialar fonunda üç yüksək vəzifəli əməkdaşı işdən çıxarıb.
İndi isə tənzimləyici orqanlar – Təhsilin Keyfiyyəti üzrə Ofis (OfS) hadisəyə münasibət bildirərək rəsmi sorğu başlatdıqlarını açıqlayıblar. Təşkilat, ali təhsil müəssisələrində şəffaflığın və etibarın qorunmasının vacibliyini vurğulayaraq, baş verənlərin ciddi şəkildə araşdırılacağını bildirib.
Hazırda istintaqın detalları tam açıqlanmasa da, universitetin idarəçilik və maliyyə siyasətləri ciddi şəkildə dəyərləndirilir. Qurumdan bildirilib ki, tələbələrin təhsilinə təsir etməmək üçün bütün tədbirlər görülür və əməkdaşlıq davam etdirilir.
Hadisə ali təhsildə şəffaf idarəetmənin nə qədər vacib olduğunu bir daha gündəmə gətirib.