STEP Azerbaijan komandası Gender Əsaslı Zorakılığa qarşı 16 günlük kampaniya çərçivəsində Abşeron Qadın və Uşaq Sığınacağını ziyarət edib.
“Tehsil365” xəbər verir ki, Ziyarətin əsas məqsədi sığınacaq sakinlərinə mənəvi dəstək göstərmək, uşaqlarla interaktiv master-klass vasitəsilə ingilis dilinə maraq yaratmaq və müxtəlif sovqatlarla onları sevindirmək olub.
Komanda sığınacağın rəhbərliyi ilə görüşərək müəssisənin fəaliyyəti, qarşılaşdığı çətinliklər və mövcud ehtiyaclar haqqında məlumat alıb. Daha sonra uşaqlarla maraqlı fəaliyyətlər həyata keçirilib. Kiçik sakinlərin sevinc dolu baxışları, təbəssümləri və fəal iştirakı tədbirin nə qədər mənalı olduğunu bir daha göstərib.
Təhlükəsizlik səbəbilə uşaqların görüntüləri paylaşılmasa da, onların hiss etdiyi xoşbəxtlik hər kəsi duyğulandırıb.
Tədbirin reallaşmasında maddi dəstək göstərən hər kəsə təşəkkür edilib: “Hər şey könlünüzcə olsun”, — deyə STEP Azerbaijan komandası bildirib.