1991-ci ilin 8 dekabr tarixində Azərbaycan Respublikası İslam Konfransı Təşkilatına (indiki İslam Əməkdaşlıq Təşkilatı) üzv qəbul olunub.
“Tehsil365” xəbər verir ki, Bu mühüm hadisə Azərbaycanın müstəqillik əldə etdikdən sonra İslam dünyası ilə münasibətlərini gücləndirməsi və beynəlxalq təşkilatlarda fəal iştirak etməsi baxımından əhəmiyyətli mərhələ olub.
Azərbaycan bu təşkilat çərçivəsində müsəlman ölkələri ilə siyasi, iqtisadi, humanitar və mədəni əməkdaşlığını inkişaf etdirib, həmçinin Ermənistanın təcavüzkar siyasətinin ifşası və Qarabağ həqiqətlərinin beynəlxalq ictimaiyyətə çatdırılması istiqamətində də İƏT-in dəstəyini qazanıb.
Bu gün Azərbaycan İƏT çərçivəsində fəal üzv kimi çıxış edir və bir sıra humanitar, təhsil və sülh təşəbbüslərinə töhfə verir.