Qarabağ Universiteti Serbiyanın Novi Sad Universitetinin Fəlsəfə fakültəsində təşkil olunan “Zaman və məkan içində dillər və mədəniyyətlər” (“Languages and Cultures in Time and Space 12”) mövzusunda XII beynəlxalq elmi konfransda təmsil olunub.
“Tehsil365” xəbər verir ki,Konfransda Pedaqoji fakültənin müəllimi Kənan Ağasıyev “Üç müharibə, üç kişi: Anna Jordanın “Geri qayıtmayanlar” əsərində ərdəmlik anlayışının yenidən nəzərdən keçirilməsi – müasir Britaniya səhnəsində gender, müharibə və identiklik” (“Three Wars, Three Men: Rethinking Masculinity in Anna Jordan’s The Unreturning – Gender, War, and Identity on the Contemporary British Stage”) mövzusunda məruzə edib.
Konfrans çərçivəsində K. Ağasıyev Avropanın müxtəlif ölkələrindən olan ədəbiyyatşünaslarla elmi-ədəbi mövzularda müzakirələr aparıb və gələcəkdə birgə elmi fəaliyyət imkanları haqqında fikir mübadiləsi edib.