“Köhnə qaydaya əsasən müəllimlərin maaşı dəyişkəndir və bunu təhsil naziri Emin Əmrullayev də qeyd edib ki, müəllimlərin maaşı 400-500 manatdan 2500 manatadək qalxıb”
“Tehsil365” xəbər verir ki, bu barədə Təhsil eksperti Ramin Nurəliyev açıqlamasında bildirib ki, “Müəllimlərin yeni pedaqoji fəaliyyəti əməkhaqlarının da dəyişəcəyindən xəbər verir. Gələk müəllimlərin iş yükü məqamına , onu deyə bilərəm ki, hal-hazırda yazı işləri elektronlaşdırılmağa doğru gedir. Bu təqdirdə o qədər də iş yükü olmayacaq və hesab edirəm ki, müəllimlərin iş yükü daha çox dərs saatı ilə bağlıdır buna uyğun da əmək haqqı verilir”
Müəllimlər dərs saatından əlavə hansı əlavə işlərə vaxt sərf edirlər və bu onların gündəlik iş rejminə necə təsir edir?
“Müəllimlərin dərs saatından əlavə keçirdiyi vaxtı desək, bu ola bilər ki, onlar hazırlıqlar keçsinlər və ya zəif şagirdləri əlavə dərslərə cəlb edib orda müəyyən məlumatları qeyd edə bilərlər. Bununla yanaşı əlavə görüşlər keçirdə bilərlər xüsusilə də sinif rəhbərləri”
Maaşla iş yükü arasında balans varmı və müəllimlərin aldığı məvacib onların gördüyü işi əks etdirirmi?
“Ümumiyyətlə biz beynəlxalq təcrübəyə baxsaq , dərs saatı ilə bağlı hər hansı bir praktika yoxdur, yəni əksəriyyətində xüsusilədə iş saatında həm dərsini keçir həm də digər tapşırıqları həyata keçirir bu sənədləşmə də ola bilər”
“Həmçinin düşünürəm ki, sinif rəhbərlərinin maaşı digərlərindən əlbəttə fərqlənməlidir, çünki dərslə yanaşı sinifə cavabdehdir, valideynlərlə görüş keçirir , burda mütləq ən azı 300-400 manat əlavə olunmalıdır”.
Sonda qeyd edilib ki, “Hal-Hazırkı dövrdə də müəllimlərin maaş artımı haqqında müzakirə aparılır və əsaslə tədbirlər də yaxın gələcəkdə də görüləcəkdir”.