"Konstitusiya və Suverenlik İli" və Azərbaycan Texniki Universitetinin (AzTU) 75 illiyi çərçivəsində AzTU Məzun Assosiasiyasının ll Zirvə Görüșü keçirilib. Əvvəlcə torpaqlarımızın ərazi bütövlüyü və suverenliyi uğrunda canlarından keçən Vətən övladlarının əziz xatirəsi bir dəqiqəlik sükutla yad olunub. Azərbaycanın Dövlət Himni səsləndirilib.
“Tehsil365”xəbər verir ki,Məzunları salamlayan AzTU-nun rektoru Vilayət Vəliyev bildirib ki, tədbir həm "Konstitusiya va Suverenlik İli"nə, həm də universitetin 75 illik yubileyina həsr olunub. Rektor deyib ki, AzTU-da vətənpərvərlik ruhu, tələbələrin Vətən sevgisi həmișə ön planda olub. AzTU tələbə və məzunları Azərbaycanın müstəqilliyi və suverenliyi uğrunda aparılan istər Birinci Qarabağ, istərsə də 44 günlük Vətən müharibəsində hər zaman ön sıralarda döyüşüb. Bununla yanașı, AzTU 75 il ərzində Azərbaycan elminə, o cümlədən ölkənin sənaye və iqtisadiyyatına mühüm töhfələr verən görkəmli şəxsiyyətlər bəxş edib,
Hazırda AzTU məzunları dövlət qurumları və özəl șirkətlərdə, eyni zamanda xarici ölkələrdə müxtəlif vəzifələrdə çalișırlar. Bütün bunlar AzTU-nun zəngin elmi ənənələri olan, tələbələrinə xüsusi diqqət və qayğı ilə yanaşan ali təhsil müəssisəsi olduğunu göstərir.
AzTU-nun məzunu, Azərbaycan Metrologiya institutunun baș direktorunun müavini Madar Quliyev AzTU Məzun Assosiasiyasının birillik fəaliyyəti ərzində məzunların məşğulluğu və karyera inkişafı ilə bağlı geniș təqdimatla çıxış edib.
AzTU məzunu, İnformasiya Texnologiyaları İnstitutunun baş direktoru, AMEA-nın vitse-prezidenti akademik Rasim Əliquliyev çıxışı zamanı mühəndislik peșəsinin dünyada əhəmiyyətindən danıșıb. Bildirib ki, bu gün bütün sahələrdə mühəndis kadrlara ehtiyac var. həmçinin qeyd edib ki, məzunlar universitet illərində öyrəndikləri biliklərlə kifayətlənməməli, mühəndisliklə bağlı müasir dövrün tələblərinə uyğun informasiyaları mənimsəmək üçün mütəmadi olaraq ali təhsil müəssisəsinin imkanlarından yararlanmalıdırlar.