Qərbi Azərbaycan İcmasının təşkilatçılığı ilə “Mədəni irs və qayıdış hüququ: Ermənistandan didərgin salınmış azərbaycanlıların mədəni irsinin bərpası – ədalətə, barışığa və sülhə aparan yol kimi” mövzusunda III Beynəlxalq Konfrans keçirilib.
“Tehsil365” xəbər verir ki,Azərbaycan Dillər Universitetinin (ADU) Tələbə Gənclər Təşkilatının (TGT) aktiv idarə heyətinin üzvləri konfransda ilk olaraq təşkilati proseslərə cəlb olunub və tədbirin koordinasiya işlərinə yaxından dəstək göstəriblər.
ADU TGT üzvləri qonaqların qarşılanması, yönləndirilməsi və məlumatlandırılması prosesində fəal iştirak edərək tədbirin yüksək səviyyədə təşkili üçün məsuliyyətlə çalışıblar.
Eyni zamanda, tələbə gənclərimiz milli rəqslərlə çıxış edərək konfransın mədəni proqramına xüsusi rəng qatıb, Azərbaycan xalqının zəngin folklorunu və mədəni irsini iştirakçılara uğurla təqdim ediblər.
