Azərbaycan Memarlıq və İnşaat Universitetində (AzMİU) 12 dekabr – Ümummilli lider Heydər Əliyevin anım günü münasibətilə birinci kurs tələbələrinin Heydər Əliyev Muzeyinə ekskursiyalarına start verilib. İlk olaraq Memarlıq fakültəsinin tələbələri muzeyi ziyarət ediblər.
“Tehsil365” bildirir ki, tələbələrə muzeyin yaranma tarixi, fəaliyyəti və eksponatları barədə geniş məlumat verilib. Qeyd olunub ki, Heydər Əliyev Muzeyi 11 dekabr 2013-cü ildə – Ulu öndərin 90 illik yubileyi münasibətilə açılıb və mütəmadi olaraq tələbələrin muzeylə tanışlığı təşkil edilir.
Ekskursiya zamanı tələbələrə Ümummilli liderin həyat və fəaliyyətinə dair foto, videomateriallar, sənədlər, quruculuq layihələri, həmçinin müxtəlif dövrləri əhatə edən interaktiv elektron stendlər təqdim olunub.
Ekskursiya zamanı sovet dövrü, müstəqilliyin ilk illəri, müasir dövr və Prezident İlham Əliyev tərəfindən həyata keçirilən layihələr barədə məlumatlar xüsusi maraq doğurub.
Sonda tələbələr muzey daxilində yerləşən sərgi salonu ilə tanış olublar.