Bu həftə Böyük Britaniya parlamentində məktəb nəqliyyatı ilə bağlı keçirilən dinləmədə millət vəkilləri artan xərclər və mövcud sistemin davamlılığı barədə narahatlıqlarını səsləndiriblər.
"Tehsil365" xəbər verir ki, Müzakirələr zamanı bəlli olub ki, hazırda evdən məktəbə nəqliyyatın illik xərci 2,3 milyard funt-sterlinqə çatır.
Komitənin eşitdiyi əsas məqamlar bunlar olub:
1. Xərclərin sürətli artımı– Yerli hökumətlər bu sahədə davamlı maliyyə təzyiqi altında olduqlarını bildiriblər.
2. Əlilliyi olan şagirdlər üçün yüksək məsrəf – Bəzi hallarda "qapıdan-qapıya" taksi xidmətinə ehtiyac olsa da, bu yanaşmanın çox bahalı olduğu vurğulanıb.
3. Rəqəmsal planlaşdırma çatışmazlığı – Uğurlu nəqliyyat marşrutlarının hazırlanmasında texnologiyadan yetərincə istifadə edilmədiyi bildirilib.
4. Sistemin qeyri-bərabərliyi – Müxtəlif bölgələrdə valideynlər və şagirdlər üçün fərqli imkanlar mövcuddur.
5. Alternativ modellər ehtiyacı – İctimai nəqliyyatdan daha çox istifadə üçün təşviqlər və inteqrasiya zərurəti vurğulanıb.
6. Ad dəyişikliyi təklifi – “Evdən məktəbə nəqliyyat” ifadəsinin dəyişdirilərək daha geniş əhatəli və müasir yanaşmaları əks etdirən adla əvəz olunması təklif edilib.
Komitə məsələ ilə bağlı araşdırmalarını davam etdirəcəyini və hökumətə səmərəli həll yolları təqdim edəcəyini bildirib.