Attestasiya nəticələrinə əsasən 3 əleyhinə - 2 lehinə səs toplayaraq tutduğu vəzifəyə uyğun hesab edilməyən musiqi müəllimləri üçün təşkil edilmiş xüsusi müsabiqənin müsahibə mərhələsinin nəticələri elan olunub.
“Tehsil365” xəbər verir ki, bu barədə Mədəniyyət Nazirliyi məlumat yayıb.
Bildirilib ki, namizədlər nəticələrlə "MyCulture" vahid şəxsi kabineti vasitəsilə tanış ola bilərlər.
Qeyd edək ki, müsahibə mərhələsi üzrə keçid balı 32 baldır.
Müsahibə nəticəsindən narazı qalan namizədlər üçün apellyasiya imkanı yaradılıb. Apellyasiya müraciətlərinin qəbulu 10-13 dekabr tarixlərində "MyCulture" vahid şəxsi kabineti üzərindən elektron şəkildə qəbul ediləcək.