Tədqiqat bacarıqlarınızı inkişaf etdirmək və aparıcı amerikalı alimlərlə peşəkar əlaqələr qurmaq istəyirsiniz? Fulbright Visiting Scholar Programı 2026-2027-ci illər üçün müraciətləri 23 dekabr tarixinə qədər qəbul edir.
"Tehsil365" xəbər verir ki, Proqram məzunlarından biri, tanınmış mütəxəssis Dr. Bəhruz Əhədov ABŞ-ın NASA Jet Propulsion Laboratory (JPL) mərkəzində Fulbright Visiting Scholar kimi tədqiqat aparıb. O, InSAR və GNSS kimi müasir peyk texnologiyalarından istifadə edərək yer qabığının deformasiyası, zəlzələ mexanizmləri və palçıq vulkanlarının aktivliyi üzrə önəmli araşdırmalar həyata keçirib. Fulbright təqaüdü sayəsində Dr. Əhədov təbii risklərin monitorinqi, iqlim və hava proseslərinin öyrənilməsi sahəsində qabaqcıl peyk müşahidə metodlarından faydalanıb.
Beynəlxalq elmi əməkdaşlıqda iştirak etmək və qlobal problemlərin həllinə töhfə vermək istəyənlər üçün Fulbright Visiting Scholar Programı böyük imkanlar təqdim edir. Müraciət üçün son tarix 23 dekabrdır.
Ətraflı məlumat və müraciət şərtləri üçün rəsmi saytlara müraciət edə bilərsiniz.