Müəllim olmaq əslində çox məsuliyyətli olmaq deməkdir. Əsl müəllim hər dərsdə elə sertifikasiya kimi bir iş görməlidir.
Bu fikirləri “Təhsil365”ə açıqlamasında 20 iyun tarixində keçirilən, müəllimlərin sertifikatlaşdırılması imtahanında iştirak edən və maksimum nəticə göstərən, Salyan rayonunun Salman Cəfərov adına Yenikənd orta məktəbinin müəllimi Flora Dünyamalıyeva deyib.
O bildirib ki, 34 ildir ki, bu məktəbdə çalışıb. təyinatını da bu kəndə veriblər.
“Hədəfim 51+ idi, amma həmkarlarım ciddi hazırlaşdığımı bilirdilər. Onlar ehtimal edirdilər ki, yüksək nəticə əldə edə biləcəyəm. 90% zəhmət, 10% allahın verdiyi şans nəticəsində maksimum nəticə əldə edə bildim.”
Müəllimin sözlərinə görə, imtahanın cavabları açıqlandıqda cavabları görməkdə çətinlik çəkib.
"“Cavablar o qədər kiçik yazılmışdı ki, əvvəl baxdıqda başa düşmədim. Hətta nəzarətçiləri də çağırdım ki, onlar baxsın. Tam əmin olduqdan sonra allaha şükr etdim təbii ki.
Müəllim olmaq əslində çox məsuliyyətli olmaq deməkdir. Əsl müəllim hər dərsdə elə sertifikasiya kimi bir iş görməlidir. Çox sevinirəm ki, belə bir təhsil müəssisəsində çalışıram. Şagirdlərim də bilsinlər ki, çalışsalar gözəl nəticə əldə etmək olar.”