Bu gün – 12 dekabr, tanınmış aşıq-şair, Azərbaycanın əməkdar mədəniyyət işçisi, Əlipənah Ələsgər oğlu Pənahovun doğum günüdür.
"Tehsil365" xəbər verir ki, O, 1926-cı ildə Salyan qəzasında dünyaya göz açmış, aşıq sənətinin inkişafında mühüm rol oynamış sənətkarlardan biri olmuşdur.
Əlipənah Pənahov həm klassik aşıq ənənələrini davam etdirmiş, həm də öz dövrünün çağırışlarına uyğun poeziya nümunələri yaratmışdır. Onun şeirlərində xalq ruhu, Vətən sevgisi, lirik duyğular və aşıq sənətinə sədaqət xüsusi yer tutur.
Sənətkar 1967-ci ildə "Azərbaycanın əməkdar mədəniyyət işçisi", 1974-cü ildə isə Azərbaycan Yazıçılar İttifaqının üzvü olmuşdur. Ədəbi və musiqi irsi bu gün də aşıq sənəti ilə maraqlananlar üçün dəyərli qaynaq sayılır.
Əlipənah Pənahov 26 avqust 1978-ci ildə vəfat etmişdir. Onun xatirəsi Azərbaycan mədəniyyət tarixində həmişə yaşayacaq.